Beinvegni sin mia pagina web.
Miu num ei Annina, jeu sun da Trun (GR) ella bellezia Surselva.
Cun nov onns hai jeu anflau la pissiun tiel sport da sittar. Pli veglia ch’jeu sun vegnida e pli fetg ha ei animau mei da far ord in passatemps da sittar in sport da sittar professiunal. Aschia sun jeu sedecidida da far la „PISTE“ e d’entrar ella „Uniun da tir svizra“. Leu hai jeu trenau duront treis onns el „Center regiunal da prestaziun“ a Filzbach – quei duas gadas per jamna. Igl onn vargrau hai jeu contonschiu la selecziun pil team naziunal da juniors. Cun quei ha ei giu num ir a trenar las fin d’jamna a Magglingen ed a Filzbach mo aunc inagada per jamna.
Cun 20 onns sundel jeu daventada commembra dall’elita e giu inagada il meins trenament a Magglingen cul team dad IWK.
Da miez avrel tochen la fin d’uost 2021 hai jeu absolviu la recruta da sport professiunal a Magglingen. Leu hai jeu trenau cul trenader responsabel specificamein pil sport da sittar – quei duront 18 jamnas.
Suenter la finiziun dalla recruta hai jeu midau miu liug da dimora da Trun a Biel. Leu treneschel el center naziunal da prestaziun. Jeu sun emploiada tier l’Associaziun Swiss Shooting sco miez-profi. Dapi igl atun 2022 fetgel part dil team dalla cuppa mundiala.
Ils 3 da mars 2024 hai astgau festivar miu emprem tetel da Campiunessa svizra da tir da 10 m cun buis d’aria.
Engraziel fetg pigl interess vid miu sport e cunzun pil sustegn da Vus tuttas e tuts!
Cordials salids
Annina Tomaschett
Signalament
Num/prenum:
Tomaschett Annina
Di da naschientscha:
1. d’uost 2000